Ardoi Nafarroako Saskibaloi Fundazioa irabazi-asmorik gabeko erakunde bat da eta saskibaloia sustatzea du xede, bereziki Zizur Nagusian, jatorriz herri horretakoa baita, hantxe dauka helbidea eta bertan ere oso sustraitua dago.
Maila nazionaletan ari diren goi mailako hainbat talderen bidez. Izan ere, beren babesleek lagundurik, Ardoi Nafarroako saskibaloiaren erreferentziazko erakundeetako bat da.
Kirol jarduera hutsak alde batera utzita, Ardoi Fundazioak gizarte konpromiso handia dauka, fundazioaren estatutuetan beretan jasotakoarekin bat. Jenderik ahulena saskibaloiaren bidez gizarteratzeko edo beharrean diren giza talde zaurgarriei laguntzeko egiten dituen ekimenak dira horren erakusgarri.
Fundazioaren Patronatuak ordezkatu eta administratzen du Fundazioa eta, halaber, Fundazioaren estatutuak, balioak eta printzipioak betearazteko eta gordetzeko ardura dauka.
3 urtean behin berritzen da, eta gurasoek, jokalariek, entrenatzaileek eta Zizur Nagusiko Udalaren bi ordezkarik osatua dago. Patrono kargua betetzea erabat da doakoa; horrenbestez, ez dago aurreikusia inolako ordainsaririk.
Gaur egun, honela dago osatua:
Lehendakaria: José Luis Oreja
Lehendakariordea: Ricardo Asiáin
Diruzaina: Amaia Elso
Idazkaria: Rubén Nava